Паймони НАТО барои икмолоти нируҳои худ дар Афғонистон аз тариқи Русияву Осиёи Марказӣ хати нав боз кардааст. Бештари маводи икмолотӣ ба нируҳои НАТО аз роҳи Покистон ба Афғонистон интиқол меёбад, вале ин масир беш аз пеш мавриди ҳамлаи шӯришиён қарор гирифтааст. Рӯзи ҷумъа дар як эъломия паймони НАТО дар Бруссел гуфт, ин паймон аз моҳҳо қабл роҷеъ ба роҳҳои алтернативии интиқоли мавод ба Афғонистон музокира мекунад.
