Иттиҳодияи Аврупо(ИА) ҳамроҳ бо Бонки аврупоии бозсохт ва рушд ва Иттиҳодияи байналмилалии молӣ аз шурӯъи ду барномаи махсуси тағйири сохтори риштаи кишоварзии Тоҷикистон хабар медиҳанд. ИА ба ин манзур дар маҷмӯъ 6 миллиону 700 ҳазор доллар кӯмаки билоиваз ҷудо мекунад. Ҳадаф аз ин барнома таъмини дастрасии кишоварзон ба қарзҳои бонкӣ, таъсиси ҷойҳои нави кор ва коҳиши камбизоатӣ ном бурда мешавад.
