Комиссияи марказии интихобот ва раъйпурсии Тоҷикистон хабар дод, ки ба фиристодани баргаҳои райъ барои интихоботи парлумонии 28-уми феврал шурӯъ кардааст. Раиси ин кумисюн, Мирзоалӣ Болтуев ба Радиои Озодӣ гуфт, ҷамъан 16 миллион нусха баргаи раъй ба чоп расида, онҳо ба зудӣ ба ҳамаи манотиқи кишвар расонда хоҳанд шуд. Интихобкунандагон дар рӯзи раъйдиҳӣ панҷ намуд баргаи раъй, хоҳанд гирифт, ки вижаи аҳзоби сиёсӣ, номзадҳои ҳавзаҳои инфиродӣ ва шӯроҳои вилоятҳову шаҳрҳо, ноҳияҳо ва ҷамоату деҳот хоҳанд буд.
