Бар асари бомбгузорҳои ахир дар ҷануби Афғонистон 8 сарбози Амрико ва як сокини маҳаллӣ кушта шуданд. Нирӯҳои байналмилалии таҳти фармони НАТО дар як баёния иқрор кард, ки ин афрод бар асари силсилаи ҳамлаҳо ба ҳалокат расидаанд. Хабаргузории Ассошиэйтед Пресс мегӯяд, ҳалокати ин 8 сарбоз моҳи октябрро ба пурқурбонитарин моҳ барои нирӯҳои Амрико тайи 8 соли вуруди онҳо ба Афғонистон табдил медиҳад. Ду рӯз пеш бар асари суқути чархболҳо дар Афғонистон 14 сарбози амрикоӣ кушта шуданд.
