Бино ба гузоришҳо, дар Кумиссиюни марказии интихоботии Қирғизистон 18 нафар барои ширкат дар интихоботи раёсати ҷумҳурӣ сабти ном шудаанд. Сабти номи номзадҳо имрӯз ба поён расид. Бино ба хабарҳо, 3 номзад аз ҳизбҳои сиёсӣ намояндагӣ мекунанд ва номзадҳои дигар ба таври мустақил дар муборизаҳои интихоботӣ ширкат хоҳанд ҷуст. Интихоботи раёсати ҷумҳурӣ 23-юми июл баргузор мешавад.