Пайвандҳои дастрасӣ

logo-print

"Русияи воҳид" боз ҳам дар интихобот пирӯз шуд


Комиссиюни Марказии интихоботии Русия натоиҷи интихоботи мақомоти маҳаллии рӯзи якшанбе дар 79 минтақаи кишварро эълон кард. Ба иттилоъи расмӣ, дар 9 минтақае, ки интихоботи маҷлисҳои қонунбарор доир гардид, ҳизби “Русияи воҳид” пирӯз шудааст. Владимир Чуров, раиси Комиссиюни Марказии интихоботи Русия, изҳор намуд, ки дар ин манотиқ ҳамчунин Ҳизби комунист, Ҳизби Либерал-демократӣ ва “Русияи боадолат” низ раъйҳои зарурӣ ба даст овардаанд.

Дар ҳамин ҳол Сергей Миронов, раҳбари ҳизби “Русияи боадолат” ва раиси Шӯрои федератсиони Русия эълом дошт, ҳизби ӯ лағви натоиҷи раъйдиҳӣ дар ҳавзаҳоеро талаб хоҳад кард, ки дар он ҷо даст ба тақаллуб задаанд. Ба гуфтаи ӯ, он аъзои комиссиюнҳои интихоботӣ, ки қонуншиканӣ кардаанд, бояд ҳатман муҷозот шаванд.
XS
SM
MD
LG