Ҷавонон дар Туркманистон ба радиои Озодӣ гуфтаанд, онҳо умедворанд, ки давлати Барак Обама ба таҳкими робита бо Туркманистон ва беҳбуди вазъи ҳуқуқи башар дар ин кишвар кӯмак хоҳад кард. Ҷавоне бо номи Аҳмад гуфтааст, давлати Ҷорҷ Буш ба нақзи ҳуқуқи башар таваҷҷуҳи камтар дошт, чун саргарми ҷанг дар Афғонистону Ироқ буд. Зани ҷавоне гуфтааст, вай умедвор аст, ки давлати Обама равиши ҷиддитаре дар баробари нақзи ҳуқуқи башар дар пеш хоҳад гирифт.
