Ҳудуди 200 ҳазор тан аз Покистон барои гиромидошти хотираи Беназир Бҳутто нахуствазири тероршудаи Покистон ҷамъ омаданд, ки як сол пеш дар ҳамин рӯз кушта шуд. Хонум Бҳутто рӯзи 27 декабр дар шаҳри Равалпиндӣ дар натиҷаи тирандозӣ ва бомбгузории интиҳорӣ ба ҳалокат расид. Вай дар як маъракаи интихоботӣ барои бозгашти Ҳизби Мардумии Покистон ба қудрат ширкат мекард. Шавҳари Беназир Бҳутто пас аз марги завҷааш раиси Ҳизби Мардумии Покистон баргузида шуд ва моҳи сентябри ҳамин сол ба мақоми раёсати ҷумҳури ин кишвар расид.
