Дабири кулли СММ Бан Гӣ Мун гуфт, давлат ва гурӯҳҳои силоҳбадаст дар Афғонистон бо ҷалби атфол ба ҷанг даст ба табъизи ҷиддӣ алайҳи кӯдакон мезананд. Дар бархе маворид аз сӯи Толибон ҳатто ҷалби кӯдакон ба иҷрои ҳамлаҳои маргталабона мушоҳида шудааст. Бан Гӣ Мун дар нахустин гузоришаш ба Шӯрои Амният дар мавриди вазъи кӯдакон дар низоъи мусаллаҳона дар Афғонистон, ҳамчунин хостори таваҷҷӯҳи бештар ба мавориди таҷовузи ҷинсӣ алайҳи атфол, махсусан бачаҳо, аз сӯи аъзои нирӯҳо ва гурӯҳҳои мусаллаҳ шуд.
