Даҳҳо муҳоҷири корӣ дар маҳалли сохтмони як муҷтамаъ дар ноҳияи Истраи вилояти Маскав боздошт шуданд. Полис мегӯяд, ин амалиёт дар чаҳорчӯби маъаракаи "Муҳоҷири ғайриқонунӣ" идома дошта, аз миёни боздоштшудагон чандин нафар, аз ҷумла 9 шаҳрванди Тоҷикистон ба иқомати бидуни сабтином айбдор шудаанд. Ба сурати умум дар ин сохтмон зиёда аз 40 нафар боздошт гаштааст. Дар байни онҳо шаҳрвандони Узбакистон, Молдова ва Қирғизистон низ будаанд.
