Normal 0
Раисиҷумҳури Русия Дмитрий Медведев гуфт, кишвараш метавонад аз панҷаи бӯҳрони иқтисодӣ раҳида, бо вуҷуди бӯҳрони саросарии молӣ ба рушди боз ҳам муассиртари иқтисодӣ даст биёбад. Ин изҳороти Медведев тавассути сайти расмии ӯ дар Интернет дар ҳоле нашр мешавад, ки ӯ дирӯз ироаи нахустин паёмаш ба мардум ба ҳайси раҳбари аввали Русияро ба таъхир андохт. Матбуоти Русия менависад, Дмитрий Медведев паёмаш ба мардумро эҳтимолан ҳафтаи оянда ироа хоҳад кард. Кремлин дар мавриди далоили ба таъхир уфтодани ироаи паёми Медведев изҳори бехабарӣ кардааст.
