Соли оянда бархе аз низомиёни бритониёвӣ Ироқро тарк хоҳанд кард. Дар ин бора Гордон Браун, сарвазири Бритониё зимни суханронӣ дар парлумони кишвар хабар дод ва аммо аз ифшои арқоми мушаххас худдорӣ намуд. Ба гуфтаи Браун, айни ҳол дар Ироқ беш аз 4 ҳазор афсарону сарбозони бритониёвӣ мустақаранд, ки асосан ба тамрини низомиён ва кормандони полис машғуланд.
Гордон Браун афзуд, пас аз соли 2009 "фаъолияти нерӯҳои Бритониё дар Ироқ комилан тағйир хоҳад хурд".
