Қарор аст, имрӯз масъалаи шиканҷаи зиндониён ва бадрафтории мақомоти интизомӣ дар шаҳри Душанбе дар ҳамоише бо ширкати намояндагони ҳукумат, порлумон ва созмонҳои байналмилалӣ баррасӣ шавад. Ду сол пеш Кумитаи алайҳи шиканҷаи Созмони Милал иқдомоти Тоҷикисти ҷиҳати ҷилавгирӣ аз шиканҷаи маҳбусону боздоштшудагонро баррасӣ карда ва аз ҳукумати кишвар хост, то ба ҷабру зулм нисбат ба зиндониён хотима диҳад. Созмони Милал мегӯяд, додгоҳҳои Тоҷикистон эътирофоти таҳти шиканҷа ҳосилшударо барои судури ҳукм ба инобат мегиранд, ки мухолифи қонунҳои кишвар ва меъёрҳои байналмилалист.
