Вазирон аз кишварҳои ҳамсоя ба Ироқ ва қудратҳои ҷаҳонӣ имрӯз дар Кувейт роҳҳои кӯмак ба суботи Ироқро баррасӣ мекунанд. Сарвазири Ироқ, Нурӣ ал-Моликӣ гуфтааст, аз ҳамсоягони арабаш хоҳад хост, то дар Бағдод сафорат боз кунанд ва қарзи худро, ки ҷамъан ба 67 миллиард доллар мерасад, ба Ироқ бубахшанд. Хабарнигорон мегӯянд, ҳукуматҳои суннии араб аз афзоиши нуфузи Эрони шиъа дар ҳукумати шиъаи Ироқ нигаронанд. Вазири умури хориҷии Амрико, Кондолиза Райс, ки рӯзи якшанбе дар Бағдод буд, дар конфаронси Кувейт ширкат хоҳад кард.
