Бозиҳои аввали даври ҳаштякниҳоии Ҷоми Тоҷикистон оид ба футбол рӯзи 27-уми август барпо мегарданд. Дар ин марҳилаи мусобиқа барои Ҷоми Тоҷикистон 9 дастаи лигаи олӣ – «Истиқлол» (Душанбе), «Хайр» (Ваҳдат), «Парвоз» (Бобоҷон Ғафуров), «Хуҷанд» (Хуҷанд), «Энергетик» (Душанбе), «Регар-ТадАЗ» (Турсунзода), «Далерон-Ӯротеппа» (Истаравшан), «Равшан» (Кӯлоб) ва ССКА «Помир» (Душанбе), инчунин, панҷ дастаи лигаи аввал – «Саройкамар» (Панҷ), «Ҳосилот» (Фархор), «Эсхата» (Хуҷанд), «Ваҳдат» (Ашт) ва «Исфара» (Исфара», ширкат меварзанд.
Дастаи «Вахш»-и Қӯрғонтеппа бар асоси қуръакашӣ барои Ҷоми Тоҷикистон-2014 аз даври чорякниҳоӣ мубориза мебарад. Рақибаш ғолиби ҷуфти «Хайр»/«Далерон-Ӯротеппа» мешавад.
Бозиҳои аввали даври 1/8-ниҳоӣ 27-уми август, бозиҳои ҷавобӣ 8-уми сентябр баргузор мешаванд. Бозии ниҳоии Ҷоми Тоҷикистон имсол 22-юми ноябр дар Варзишгоҳи марказии Душанбе барпо мегардад.
Ҷоми Тоҷикистон. 1/8 финал. Бозиҳои аввал
27-уми август, чоршанбе. Оғози бозиҳо - соати 17.00
«ҲОСИЛОТ» - «ИСФАРА»
Фархор, Варзишгоҳи марказӣ
Сардовар: Баҳром Саъдуллоев (Қӯрғонтеппа).
«ПАРВОЗ» - «ЭСХАТА»
Бобоҷон Ғафуров, варзишгоҳи «Фурудгоҳ»
Сардовар: Хуршед Дадобоев (Хуҷанд).
«САРОЙКАМАР» - «ВАҲДАТ»
Панҷ, Варзишгоҳи марказӣ
Сардовар: Равшан Ишматов (Қӯрғонтеппа).
«ЭНЕРГЕТИК» - «РЕГАР-ТАДАЗ»
Душанбе, майдони сунъии Варзишгоҳи марказии ҷумҳуриявӣ
Сардовар: Насрулло Кабиров (Норак).
ССКА «ПОМИР» - «РАВШАН»
Душанбе, варзишгоҳи КМВА-и Вазорати ҶТ
Сардовар: Диловаршоҳ Орзуев (Ҳисор).
«ХАЙР» - «ДАЛЕРОН-ӮРОТЕППА»
Ваҳдат, варзишгоҳи «Хайр»
Сардовар: Аъзам Бӯриев (Душанбе).
Оғози бозӣ - соати 18.30
«ИСТИҚЛОЛ» - «ХУҶАНД»
Душанбе, Варзишгоҳи марказии ҷумҳуриявӣ
Сардовар: Сайёдҷон Зайниддинов (Душанбе).
