Шанбе, Октябр 25, 2014

Шабакаҳои иҷтимоӣ

Чаро духтарони тоҷикро дар “Одноклассники” бисёр ғам медиҳанд?

“Ман ҳеҷ намефаҳмам, ки чаро духтарони тоҷик дар Одноклассники, пеши саҳифаҳояшонро девори бетонӣ гирифтаанд” гуфтааст, як ҷавони тоҷик дар як баҳсе дар Одноклассники ва аз рафиқаш чунин ҷавоб гирифтааст: “Ноз мекунанд.”

Манзур аз девори бетонӣ саҳифаҳои бастаи духтарони тоҷик аст, ки ба истиснои дӯстонашон дигар корбарони бегонаву ношинос ба он роҳ ёфта наметавонанд. Агар саҳифа баста бошад, каси бегона ба шумо навишта ва ё зери аксатон шарҳ гузошта наметавонад. Воқеан духтарони тоҷик барои қалъабандии саҳифаашон дар Одноклассники далел доранд, зеро агар саҳифаи худро боз гузоранд, ҳар рӯз пешниҳоде барои муносибати маҳрамона мегиранд ва ё дашном мешунаванд.

Азиза, яке аз корбарон, ки барои муддате саҳифаашро дар Одноклассники боз гузошта буд, паёмҳои беҷавоби гирифтаашро ба ихтиёри Радиои Озодӣ гузошт, ки бароятон мехонем: “Паҳ тағота куштӣ, ита безебай, ваҳҳ Ҷеки Чан вертушка шапт кна.” Яке дигар рамзи ишқу акси гулу, яхмос фиристодааст. Аммо баъди чунин комплиментҳои беҷавоб, Азизаро дашномҳои зиште кардаанд, ки забон ба гуфтани он намепечад.

Сарвинози РӯҳуллоҳСарвинози Рӯҳуллоҳ
x
Сарвинози Рӯҳуллоҳ
Сарвинози Рӯҳуллоҳ
Сарвиноз Рӯҳуллоҳ, ҳамкори мо дар Радиои Озодӣ, ки дар Одноклассники саҳифаи баста дорад, мегӯяд, бисёре аз духтарон аз муносибати бади писарон ба танг омада ва баъзеашон онро комилан тарк мекунанд: “Бисёр одамони бегона ба саҳифаи ман медаромаданд, аз ҷумла писарон, зери аксҳои ман шарҳҳои ҳархела менавиштанд. Баъд нафароне буданд, ки як бор саҳифаи маро медиданд, баъд дархости дӯстӣ мефиристоданд ва вақте ман онҳоро ба сафи дӯстонам қабул намекарданд, ҳатман чизе менавиштанд.”

Баъзе аз ҷавонон ба қавле барои ҷалби таваҷҷӯҳи духтарон аксҳои нимаурёну бозуҳои худро ба онҳо намоиш медиҳанд, ба ин умед, ки шояд мойилашон мешавад. Рустам Маҷидов, хабарнигори тоҷик, ки масъалаи шабакаҳои иҷтимоиро зиёд таҳқиқ мекунад, мегӯяд, агарчӣ писарони тоҷик дар зиндагии воқеъӣ ҳам гоҳ-гоҳ чунин рафтор мекунанд, аммо дар шабакаҳои иҷтимоӣ худро озодтар эҳсос карда ва аз ҳама марзҳои ахлоқӣ мегузаранд.

Ба қавли Рустам Маҷидов, бисёре аз ҷавонон чунин мепиндоранд, ки шабакаҳои иҷтимоӣ “манбаи фисқу фуҷуранд” ва духтаронро бадахлоқ мекунанд ва маҳз ҳамин андешаи ғалат сабаби тамоми “мусибатҳои” духтарон дар Одноклассники пурбинандатарин торнамои иҷтимоӣ дар Тоҷикистон шудааст:

“Чун як тассавуре ҳаст, мабно ба фикри аввалӣ, ки шабакаҳои иҷтимоӣ ба қавле духтаронро вайрон мекунад ва писарон фикр мекунанд, он духтароне, ки аз шабакаҳои иҷтимоӣ истифода мебаранд, то ҷое “дастрас” ҳастанд. Ба ҳамин хотир чизҳои фаҳш менависанд, кӯшиши наздикшавӣ мекунанд, кӯшиши наздикшавӣ бо мақсади фаҳш зиёд дида мешавад.”

Фариштамоҳ ГуловаФариштамоҳ Гулова
x
Фариштамоҳ Гулова
Фариштамоҳ Гулова
Фариштамоҳ Гулова, аз Бунёди ҷамъиятии ташаббуси шаҳрвандӣ ва сиёсати интернет дар Тоҷикистон мегӯяд, ҳатто навореро дидааст, ки дар он гуфта мешуд, агар духтаре дар шабакаҳои иҷтимоӣ саҳифа дошта бошад, ӯро келин накунед. Аммо бо вуҷуди ин ҳама, шумораи корбарони Одноклассники аз ҳисоби духтарони тоҷик кам нест, чун онҳо роҳҳои эмин мондан аз ин ҳамлаҳоро ёд гирифтаанд. Баъзе аз онҳо исмашонро тағйир медиҳанд, ё агар ин корро накунанд, саҳифаҳояшонро бар рӯи бегонаҳо мебанданд.  Онҳое, ки шавҳару фарзанд доранд, ба ҷойи акси худ акси фарзанд ё ҳамроҳ бо шавҳарро гузоштаанд, то писарон ба онҳо ба қавле начаспанд.

Фариштамоҳ Гулова, ки дар таҳияи одобномаи муошират дар Интернет саҳм дорад, мегӯяд, бо гузашти муддате одоби корбарон дар муошират ба ҳадде беҳтар мешавад, вале дар шабакаҳои иҷтимоӣ ҳам мисли ҳаёти воқеъӣ ахлоқи инсон нақши аслиро иҷро мекунад: “Муошират аз ахлоқи инсон вобастагӣ дорад ва ҳамаи мо умед бар он дорем, ки бо мурури замон битавонем, одоби муошират дар шабакаҳои иҷтимоиро каме беҳтару хубтар гардонем. “

Одобе, ки бисёре аз корбарони ҷавони тоҷик дар Одноклассники ҳам доранд ва далели ин гуфта, ширкати озоди духтарон дар баъзе аз баҳсҳо ҳаст ва посухи ҷавонон, ки ба он духтар бо “хоҳар” гуфта муроҷиат кардаанд.
Ин баҳс баста шудааст.
Гурӯҳбандии назарҳо
Назарҳо. Сафҳаи аз 2
 Пешӣ    
Ном: беном аз: душанбе
25.01.2014 17:30
Дуруст аст ки шабакаи ба монанди Одноклассник на танхо духтаронро хатто занони бошавхарро ба зино кардан мебарад.
Ман шахсан зани худро ки саҳифаашро баста карда буд бо мардони бегона гап мезад, шинос мешуд, хаваси онхоро мехуррд. Уро дастгир кардам, шарманда шуд, гунохашро гуфт ин як бози буд. Хотири 3 фарзандам уро бахшидам, бо у зиндаги карданро... Аз интачриба тавсия медихам ба хохарон, ки вакти кимати худро дар илму оилаи худ масраф кунанд

Ном: Tojik аз: Chin
25.01.2014 18:53
Rosti bor man bisyog gamginam az raftori kirdori javononi tojiki hozira. Un suhanone ki az dahoni javonon mebaroyad un raftoru kirdore dar rahu kuchaho mekunand odamro gamgin mesozad. Va man fikr mekunam ki sababi in hama raftoru kirdorhoi nohub in ast ki besavod mondaand javononi mo. az ilm hele dur astand. Hatto ki javonero binand ki mehonad ba hondan mashgul ast maskara mekunand ki "Mehoni dunyora megiri ?" "Lenin hond kujora girift ? murd raft" gufta maskara mekunand. Dar Ok ki gam metihand duhtaronro in ham az be savodi be ahloki betamizi meshavad. Va man yak chizro ahmiyat dodam ki dar televizoni mo reklamahoe ki ba foidai jamiyat boshad namekunand, Boyat reklamahoe kunand ki ba foidai ahloku tamizi javonon tahsir kunad. Tashakur.

Ном: аз: хатлон
25.01.2014 19:42
Албата имруз чавонони точик чи писару чи духтарон дар ин сахифахои ичтимоии интернети чи однокласник бошад ё фезбуку дигар сафашон зиёд аст ва дарин сахифахо беодобию бад ахлоки нисбати якдигар дида мешавад. Агар чи дар миёни чавонон хастанд шахсони бо ахлоку бо нуфуз вале кам хело хам кам бинобар ман ба чавонон мурочиат ва тавсия доданиям хамчун бародар имруз олами пешравияст на шишта якдигарро танкид кардан вакто ки шумо дар интернет ворид шудед шумо кушиш кунед то азунчо як чизе бохуд берун оваред то бар шумо дар зиндагиятон осони биёварад яъне аз интернет шумо метавонед манфиат баред монанди тичорат ё чои кор ё ин ки мутолиаи китоб ва гайра на инки вактро бехуда гузаронеду маблаге ки дар интернет месупоред бехуда сарф шавад ва охирин хохишам хаминаст ки миллати точикро обуруяшро хифз кунед бо одоби хуб ва ба чахониён нишондихед

Ном: honest аз: Россия
25.01.2014 22:11
Озоди комменти мара чоп кун,дар унча ягон хакорату гапи бечо набуд!

Ном: Nur1k (original page) аз: Kulob
25.01.2014 23:49
Хубтараш духтархои точик, однокласникро истифода набаранд.

Ном: Точик
26.01.2014 18:13
Як гап гум? Хамин ки гам додан надароен хамун одноклассникиба. Як темахоя придумат мекунен, ки гуё дигар проблема набошад.

Ном: Абдурахмон аз: Ашт
26.01.2014 20:59
Ман бисёр мехостам,ки Духтарони точик надароянд Ба сайтои Интернети хусусас ба Одноклассники Ман шохидам ба бисёр писарон бо Духтарон шинос шуда бо ягдигар чи мекунанд ин сабаби Паст шудани Номи Духтарон мегардад.

Ном: Zebo аз: Dushanbe
28.01.2014 09:52
Ман истифодабарандаи сахифахои ичтимоии Faceboоk, mail.ru ва Odnoklasniki хастам. Ман танхо 1 сол мешад сахифаи Однокласникро кушодам, барои онки ин ба кори ман хеле зарурият дошт. Аммо дар давоми солхои тулони сахифахои Facebоok, mail.ru истифода мебарам.
Дар хакикат ин сахифаи Одноклассники хеле сатхи паст дорад, чавонон хеле зиёд застанд, маданияти паст доранд, тарзи истифодаи онро намедонанд, факат фикр меукннад,Юкки сахифахои ичтимои барои максадхои гаразнок истифода бурда мешавад. Барои хамин хам истифодаи ин сахифа хеле таъби шахсро хира мекунад. Ба фикри ман аз хамин лихоз духтарони точик «НОЗ» мекунанд ва сахифаашонро махфи мекунанд. Баъдан истифодаи хамаи сахифахои ичтимои аз дустони шумо, ки дар он сахифахо доред вобастаги дорад. Агар дар катори дустоятон хонандагони мактаб донишчуён, ки шумо хатто намешиносед ин ба бисёр масхарабизиву ва дигар корхо оварда мерасонад. Истифода бурдани ин сахифахо маънои онро надорад, ки духтарон факат барои бадахлоки инро истифода мебаранд. Хастанд духтарони точик, ки дар солхои тулони ин сахифахоро судмандона истифода мебаранд. Меганку як гови бадном хамаи подаро вайрон мекунад.

Назарҳо. Сафҳаи аз 2
 Пешӣ    

Назари Шумо чист?

Бойгонии назарсанҷӣ

Писандидаҳо

Тамос бо Радиои Озодӣ

Агар хабаре доред ё мехоҳед, масъалаеро дар миён гузоред, бо имейли Tajik@rferl.org ё телефони интернетии ozodi.skype бо мо дар тамос шавед. Ҳамчунин телефонҳои мо дар хидмати Шумо:

Дар Душанбе:          988 65 94 63               988 65 94 64            985 63 83 56
Дар Прага:               420 725 03 79 43   
Skype Me™! Add me to Skype