Якшанбе, Октябр 26, 2014

Тоҷикистон

Тақозои хабарнигорон аз раисиҷумҳур ва порлумон

Дар рӯзи байнулмилалии Ҳамраъйии журналистон созмонҳои хабарнигорӣ ба раисиҷумҳур муроҷиат карданд.

Ҳамоиши хабарнигорони тоҷик. 8 сентябри соли 2011Ҳамоиши хабарнигорони тоҷик. 8 сентябри соли 2011
x
Ҳамоиши хабарнигорони тоҷик. 8 сентябри соли 2011
Ҳамоиши хабарнигорони тоҷик. 8 сентябри соли 2011
Ҳамоиши рӯзноманигорони тоҷик бахшида ба рӯзи байнулмилалии ҳамраъйии журналистон бо нашри як муроҷиатнома ба унвони раисиҷумҳури Тоҷикистон ва порлумони кишвар кори худро анҷом
Агар Хазинае таъсис дода шавад ва идораи нашрияҳо ба миқдори муайян ба ин хазина маблағ пардозанд, баъд мо метавонем, ки хонаводаҳои рӯзноманигоронро аз ҷиҳати моддӣ дастгирӣ кунем...

дод.

Дар ин муроҷиатномаи 
иттиҳодияҳои рӯзноманигории Тоҷикистон аз раисиҷумҳур ба унвони кафили таъмини озодии баён ва ба порлумони кишвар ба унвони ниҳоди олии қонунгузории кишвар дархост мешавад, ки аз афзоиши мавориди фишор болои матбуот ҷилавгирӣ кунанд.

Даъвои пардохти зарар ба маблағи як миллион сомонӣ аз сӯи Вазорати кишоварзӣ алайҳи нашрияи мустақили "Миллат", панҷ миллион сомонии даъво аз тарафи додрасҳои Додгоҳи олии Тоҷикистон аз нашрияҳои "Азия-Плюс", "Фараж" ва "Озодагон", қатъи муваққати чопи бархе аз ин нашрияҳо дар пайи инъикоси нооромиҳои ахири водии Рашт бо шумули "Нигоҳ" ва ахиран боздошту нигаҳдории рӯзноманигорон Муҳаммадюсуф Исмоилов ва Урунбой Усмонов гувоҳи он аст, ки хабарнигорон ҳамоно як бахши осебпазири  ҷомеаи тоҷик боқӣ монда ва ниёз ба таваҷҷӯҳи хос доранд.

Ҳамоиши хабарнигорон ва ҷоизаи "Озодӣ"i
X
08.09.2011 11:56
Хабарнигорон ва созмонҳои журналистии Тоҷикистон бо баргузории ҳамоише рӯзи байнулмилалии Ҳамраъйии хабарнигоронро таҷлил карданд.


Зеро талоши ин расонаҳо ва хабарнигорон танҳо барои анҷоми рисолати касбиашон сурат гирифтааст, вале мақомоти алоҳида бо ҳар роҳу васила болои онҳо фишор меоваранд. Бо ишора ба ин маврид, дар муроҷиати созмонҳои мустақили хабарӣ ба раисиҷумҳур ва порлумони Тоҷикистон ҳамзамон аз татбиқи нодуруст ва ғайримунсифонаи меъёрҳои қонун дар нисбати хабарнигорон ва расонаҳои мустақили кишвар дар ду соли ахир изҳори нигаронӣ шуда ва даъват мешавад, ки ба ҳайси кафили озодии баён ва таъмини ҳуқуқи инсон аз фишорҳои фазоянда дар нисбати матбуот ҷилавгирӣ шавад.

Нуриддин Қаршибоев
НУРИДДИН ҚАРШИБОЕВ, раиси Анҷумани миллии расонаҳои мустақили Тоҷикистон ё НАНСМИТ ва яке аз мубтакирони баргузории ин нишаст гуфт, иттифоқоти номатлуби рухдода дар ду соли ахир созмонҳои рӯзноманигории тоҷикро водор кардааст, ки ба раисиҷумҳур ва порлумон муроҷиат кунанд: "Мо аз раисиҷумҳур ҳамчун кафили ҳуқуқҳои конститутсионии Тоҷикистон барои ҷилавгирӣ аз фишорҳо ба васоити ахбори омма ва рӯзноманигорон дархост кардем, то ҳамаи он қазияҳои судӣ, ки дар истеҳсолот ҳаст, мунсифона мавриди баррасӣ қарор гирад ва ба нақзи ҳуқуқи рӯзноманигорон ва васоити ахбори омма дар иҷрои рисолати аслиашон монеа эҷод накунад."
  
Зимнан, дархости рӯзноманигорон аз раисиҷумҳур дар ҳоле садо медиҳад, ки рӯзноманигорони тоҷик масъалаи ҳамараъйии худ дар баробари чунин мушкилотро дар ин нишаст мавриди арзёбӣ қарор доданд.

Хуршеди Атовулло
ХУРШЕДИ АТОВУЛЛО, раиси созмони "Медиа-Алянси Тоҷикистон" гуфт, ки ба фарқ аз солҳои пешина дар миёни рӯзноманигорони тоҷик як навъ тафоҳум ва ваҳдати назар дар баробари таҳдидҳои гуногун ба вуҷуд омадааст. 

Ӯ гуфт дуруст аст, ки ҳанӯз ҳам рӯзноманигорони тоҷик ба ду бахш -- давлатӣ ва мустақил тақсим шудаанд, вале таҳаввули мусбат дар ин самт ин аст, ки расонаҳо ва созмонҳои мустақили хабарӣ ба фарқ аз чанд соли пеш дар рафъи мушкилоти болояшономада дар канори ҳам қарор гирифтанд: "Қадам ба сӯи ҳамраъйӣ миёни журналистони Тоҷикистон дар соли гузашта аз мусибати умумии онҳо оғоз шуд. Вақте ки чопи се рӯзномаи маъруф аз нашр бозмонду дастрасӣ ба чанде аз сайтҳои интернетӣ маҳдуд шуд, онҳоро водор кард, ки новобаста аз мавқеашон ва аз манфиатҳояшон дар як кумита ҷамъ оянд. Ин кумита бо номи «29-сентябр» хеле фаъолона амал кард ва тақрибан ҳамаи сардабирон ва масъулони созмонҳои рӯзноманигорӣ узви ин кумита шуданд ва ин кумита дар ниҳоят муваффақ шуд, ки мушкилии пешомадаро бартараф кунад."

Қироншоҳ Шарифзода
ҚИРОНШОҲ ШАРИФОЗОДА, яке дигар аз нотиқони ин нишаст пешниҳод кард, ки ба хотири дастгирии рӯзноманигорони бо мушкил дучоршуда як Хазинаи кӯмак ба рӯзноманигорон таъсис дода шавад: "Дар ин рӯзҳое, ки ҳамкасбони мо ба чунин мушкилӣ дучор меоянд ва чун рӯзноманигорон ҳам аз қишри камбизоати кишвар ҳастанд, ба ин фикр расидем, ки агар Хазинае таъсис дода шавад ва ширкатҳои иттиллоотӣ ва идораи нашрияҳо ба миқдори муайян ва ба ин хазина маблағ пардозанд ва пас аз ҷамъшавии ин маблағҳо мо тавонем, ки хонаводаҳои рӯзноманигоронро аз ҷиҳати моддӣ дастгирӣ кунем."

Нуриддин Қаршибоев, раиси НАНСМИТ ё Анҷумани миллии расонаҳои мустақили Тоҷикистон гуфт, созмонҳои хабарии Тоҷикистон, аз ҷумла Иттифоқи рӯзноманигорон, созмони «Медиа-Алянси Тоҷикистон, созмони иҷтимоии «Хома», Шӯрои васоити ахбори омма ва Хазинаи гиромидошти рӯзноманигорони Тоҷикистон умед бар ин доранд, ки дархости онҳоро раисиҷумҳур ва порлумони кишвар бидуни вокуниш нахоҳад гузошт.

ҲАМЧУНИН, д
Ҷоизаи "Озодӣ"
ар рӯзи байнулмилалии Ҳамраъйии журналистон бархе аз хабарнигорон ва созмонҳои журналистӣ ҷоизаи Медиа-Алянси Тоҷикистонро соҳиб гардиданд. Аз ҷумла, ин ҷоиза ба Радиои Озодӣ ва Радиои Имрӯз барои инъикоси воқеӣ ва ҳамаҷонибаи мушкилоти журналистика ва журналистони тоҷик дода шуд.

Урунбой Усмонов, хабарнигори Би-би-сӣ ва Муҳаммадюсуф Исмоилов, хабарнигори пешини "Нури зиндагӣ", ки ҳоло дар боздоштгоҳ қарор дорад, барои мавқеи устувор дар журналистика ҷоизаи МАТ-ро гирифтанд.

Урунбой Усмонов, хабарнигори Би-би-сӣ дар моҳи июни соли ҷорӣ аз сӯи нерӯҳои интизомии вилояти Суғд ба иттиҳоми ҳамкорӣ бо аъзои ҳизби мамнӯъи Таҳрир боздошт шуд, вале пас аз як моҳ ва он ҳам бо дахолати шахсии раисиҷумҳур аз боздоштгоҳ раҳо гардид. Созмонҳои байнулмилалии дифоъ аз ҳуқуқи хабарнигорон ва шабакаи ҷаҳонии Би-би-сӣ сӯҳбати Урунбой Усмонов бо аъзои ҳизби Таҳрирро як бахши кори хабарнигории ӯ медонанд ва борҳо аз мақомоти Тоҷикистон хостаанд, ки ӯро табраа кунанд.



Аммо Муҳаммадюсуф Исмоилов, хабарнигори маҳаллии "Нури зиндагӣ", бештар аз нӯҳ моҳ аст, ки дар боздоштгоҳе дар Хуҷанд нигаҳдорӣ мешавад. Ҳарчанд вакили мудофеи ӯ гуфтааст, ки иттиҳомоти ворида алайҳи Исмоилов исботи худро наёфт, вале то ҳанӯз додгоҳ дар баробари вай ҳукми худро содир накардааст.

Мақомот ӯро дар нашри матолиби тӯҳматангез ва маҳалгароёна муттаҳам мешуморанд. Вале созмонҳои хабарнигорӣ мутмаинанд, ки ӯ барои чопи силсиламақолаҳояш дар бораи вазъи зиндагии сокинони ноҳияи Ашти вилояти Суғд мавриди боздошт қарор гирифтааст.

НАНСМИТ ё Анҷумани миллии расонаҳои мустақили Тоҷикистон низ барои мусоидат дар ҳамраъйии журналистон дар ҳолатҳои фавқулода (изтирорӣ) соҳиби ҷоиза шуд.
Ин баҳс баста шудааст.
Гурӯҳбандии назарҳо
Назарҳо
     
Ном: Гурухи донишчуёни точик аз: Ню йорк, ИМА.
08.09.2011 20:02
Салом ба кулли хамватанон ва кормандони Радиои Озоди!
Вокеан ҷоизаи Медиа-Алянси Тоҷикистон ва Созмони Амнияту Ҳамкорӣ дар Аврупо (САҲА) ба Радиои Озодӣ барои инъикоси воқеӣ ва ҳамаҷонибаи мушкилоти журналистика ва журналистони тоҷик, хамчунин дар накши бехбуди бахшидан барои хаёти халк хеле ва хеле арзанда аст!
Дар хакикат хеле мехнат мекашед ва кори хайреро амали мекунед, ки аз асли вокеъахо ва вазъи хамарузаи халк ва ватани азиз, мо донишчуёни дур аз ватан ба таври дуруст бе мухоботу бе тавсиф огох мегардем!
"Озодӣ", чун озодии имрузаат доимо озод бош!
Бори дигар ҷоизаи "Озодӣ" муборак бошад!


Ном: Garibsho
09.09.2011 00:37
Ozodi bratishka tda gap nest, nekim chiba doim navistagii mana chop namekni? boshi brat, medroem khabari vatana mesnavem moda basay

Ном: JON аз: USA
09.09.2011 05:52
Joiza muborak boshad OZODI! HUDOVAND nigahbonaton boshad!

Ном: Ба аз: Озоди
09.09.2011 14:21
Чоиза муборак, кормандони бахши точикии радиои Озоди. Харчанд, ки радиои хоричи хастед, вале барои мо точикистониён як минбари дар хакикат озод хастед, ки мо дар он дарду дили худро холи мекунем (агар чи баъзе вактхо нашр немекунед). Дар Ватани мо дигар ягон минбари озод нест, зеро журналистони ВАО-хои махалли бо гуфтани сухани хак чуръат намекунанд (ошкоро не,зери парда, аз дур гап мезананд), зеро дар ин давлати "хукукбунёд"аз чони худ метарсанд, хеч кас кафили амнияти онхо ва ахли оилаашон нест. Ба умеде, ки ин рузхои сиёхи халки точик мегузаранд, яке аз гушкунанда, хонанда ва тамошобини шумо.

Ном: Озодчон аз: ДУШАНБЕ
09.09.2011 21:56
Ба Президент мурочиат нмудани НАНСМИТ ва дигар созмонхои журналисти фахмост, аммо нофахмо ки аз кадом хотир ба парлумон мерочеъ шуданд. Магар парлумон имкони ичрои ягон мушкилоти мардумро дорад ё ягон мартиба шунида будед ки парлумони точик ба дарди мардум расида бошад. Онхоро ки мардум интихоб накарда хукумат таъин намудааст ва барои ба ин штрафбатальон хизмт наудан мутассдаи шудаанд оё онхо аз манфиати мардум мегуянд? Яъне парламент ин штрафстоянка.

Ном: ВАТАНДОР аз: ДУШАНБЕ
10.09.2011 10:46
Аз рости, ин Чоиза барои чунин радиое мебошад, ки дар хакикат вазъи шаръии хабару вокеотро иникос намояд. Аз руи мушохидахо чунин акида дорам, ки шунавандагон ва истифодабарандагони сомонаи озоди чунон маълумотро дар бораи корхои накшави ва супориширо ичро намудани онхо надоранд. Оё ягон тадкикоти бармахал, ки химоятгари манфиатхои милли бошад руи кор овардаанд? не албатта, танхо норозигии як ду нафар ё шахсро бахои умуми дода, аз ин фочиа барпо месозанд, Мурочиати ман ин аст, ки пеш аз оне ки норозиги аз давлату хукумат мекунед аввал зи худ пурсед, ки шумо ба кадом кор лоик ва арзанда мебошед. Ин чоизаро мебоист дигар расонахо, ки дар ободию некномии Точикистон сахм доранд мегирифтанд. чоп кунед......

Ном: Афросиёб аз: Туронзамин
10.09.2011 11:52
Салом ба кулли кормандони Радиёи Озоди,Ман хамаи Шуморо барои ноил гардидан ба чоизаи навбати сидкан муборакбод гуфта ба фаъолиятатон бурдборихои навро таманно дорам.Имруз Радиои Озоди ягона воситаи демократию мардумие мебошад,ки халки одди метавонад ба воситаи шумо дарди дили худро камехам бошад сабуктар гардонад.Ва аз Шумо хохишу илтимоси зиёд дорам,ки кори худро бозхам кавитару мустахакамтар гардонед нисбат ба пуштибонии мардуми азияткашидаи точик.Ташаккури зиёд бар фаъолиятатон,ки хабархои тозаро бе таклидкорию бе гаразона ба маълумоти мардум мерасонед.

Назари Шумо чист?

Бойгонии назарсанҷӣ

Писандидаҳо

Тамос бо Радиои Озодӣ

Агар хабаре доред ё мехоҳед, масъалаеро дар миён гузоред, бо имейли Tajik@rferl.org ё телефони интернетии ozodi.skype бо мо дар тамос шавед. Ҳамчунин телефонҳои мо дар хидмати Шумо:

Дар Душанбе:          988 65 94 63               988 65 94 64            985 63 83 56
Дар Прага:               420 725 03 79 43   
Skype Me™! Add me to Skype