Пайвандҳои дастрасӣ

logo-print

"Замини модарон"-и Шаҳзода дар маҳфили достонхонии Амстердам


Шаҳзодаи Самарқандӣ

Шаҳзодаи Самарқандӣ

Шаҳзодаи Самарқандӣ, адиб ва хабарнигори маъруфи тоҷик, ки ҳоло дар Ҳолланд кору зиндагӣ мекунад, ахиран дар маҳфили шеъру достонхонии "Радиои Замона" дар Амстердам иштирок ва барои ҳозирин романи "Замини модарон"-ро қироат кардааст. Ин маҳфили достонхонӣ охирҳои моҳи июни соли ҷорӣ баргузор шуд.

Романи "Замини модарон"-и Шаҳзода ду соли пеш ба ҳуруфи кириллӣ ва форсӣ нашр шуда, тавассути сайти китобфурӯшии amazon.com низ қобили дарёфт аст. Ин роман зиндагии се насли занони тоҷик - модарбузург, модар ва духтар - шурӯъ аз даврони раҳбарии Сталин то замони бозсозӣ ва баъд аз фурӯпошии Шӯравиро дар бар мегирад.

Шаҳзодаи Самарқандӣ фориғуттаҳсили донишкадаи забон ва суханшиносии тоҷикии Донишгоҳи Самарқанд аст. Ӯ дар риштаи филмсозӣ дар Лондон чанд давраи омӯзишро гузашта, дар филми сохтаи Меҳдии Ҷомӣ бо номи "Чархо фалак" ба унвони ровӣ ҳузур дорад. Қаблан романи "Синдроми Стокҳолм"-и ӯ ба чоп расида буд.

Ин адиб ва хабарнигори тоҷик маҷмӯаи шеърии худро дар бораи Самарқанду Бухоро бо номи "Хори Бухоро" ва романи севумашро бо номи "Регистон" барои нашр омода кардааст.

Намоиши шарҳҳо

XS
SM
MD
LG