фурудгоҳи “Бориспол”-и канори шаҳри Киев бо мусоидати пулиси байналмилалии Интерпол боздошт шуд. Мақомоти Тоҷикистон аз Украина хостаанд, ки ӯро ба Душанбе истирдод кунанд. Бо қарори додгоҳи Украина ва то замони баррасии дархости истирдодаш Абдумалик Абдуллоҷонов барои 40 рӯз дар боздоштгоҳ хоҳад монд. Дар Тоҷикистон ӯро бо иттиҳоми таъсиси гурӯҳи ҷиноӣ, куштор, талош барои ғасби ҳокимият ва дуздии моликияти давлатӣ айбдор мекунанд. Вале ба бовари худи Абдуллоҷонов, тамоми иттиҳомоти зидди ӯ ангезаи сиёсӣ дорад.
Ахиран Созмони Amnesty International ва Комиссариати олии СММ дар умури паноҳандагон аз мақомоти Украина даъват карданд, ки ба истирдоди Абдуллоҷонов роҳ надиҳанд.
Дар ҳамин ҳол, тибқи иттилои А.Федур, рӯзи 16 март мӯҳлати 40-рӯзаи боздошти муваққати Абдуллоҷонов ба анҷом мерасад ва то он замон додситонии кули Украина бояд дар робита бо сарнавишти ӯ қароре содир кунад.
Ҳоли ӯ хуб аст в умедвор аст, ки билохира бегуноҳиаш аз рӯи қонунҳои байналмилалӣ собит мешаваду вай озод хоҳад шуд. Вай ният дорад ба ИМА баргардад, - гуфт вакили дифоъ.
Ба саволи ин ки ӯ дар дохили боздоштгоҳ чӣ ҳол дорад, гуфт, “ба матбуот, китоб ва телевизион дастрасӣ дораду халос”. Ба гуфтаи Федур, Абдуллоҷонов на ба компютер ва на Интернет дастрасӣ надорад. Ба гуфтаи А. Федур, Абдуллоҷонов дар боздоштгоҳи муваққати шаҳри Киев дар як утоқи умумӣ ҳамроҳ бо гумонбарони дигар нигаҳдорӣ мешавад, ки даст ба ҷиноятҳои криминалӣ назадаанд. Аз замони боздошташ, ба гуфтаи вакили дифоъ, ӯ бо хешу табораш сӯҳбат накардааст, чунки ҳақи муоширати телефониро надорад.
