Пайвандҳои дастрасӣ

Хабари нав

Русия: «Рӯзи хомушӣ» қабл аз интихобот


Дар Русия оғоз аз нисфишаб ба рӯзи шанбе, 1 декабр, тибқи қонуни ин кишвар, тарғиботи пешазинтихоботии порлумонӣ қатъ гардид.


Тибқи қавонини Русия, акнун то анҷоми интихоботи Думаи давлатӣ ягон ҳизб ҳақи ташвиқу тарғиб дар байни мардумро надорад.

Дар интихоботи Думаи давлатии Русия, ки 2 декбар баргузор хоҳад шуд, 11 ҳизби ин кишвар, аз ҷумла ҳизби ҳокими «Русияи ягона», Ҳизби Комунист, Ҳизби либерал-демократи Русия (ЛДПР), «Яблоко», Иттиҳоди нерӯҳои ростгаро, «Ватанпарварони Русия», Ҳизби демократ, «Нерӯи шаҳрвандӣ», Ҳизби аграрӣ ва Ҳизби адолати иҷтимоӣ, ширкат мекунанд. Дар ҷамъ 4600 узви ин ҳизбҳо номзадии худро пешниҳод кардаанд.

Ба иттилоъи Комисиёни марказии интихоботи Русия, раванди интихоботи Думаи давлатӣ аз сӯи 350 нозири байнулмилалӣ назорат хоҳад шуд ва онҳо дар ҳавзаҳои интихоботӣ дар манотиқи мухталифи ин кишвар ҳузур хоҳанд кард.

Дар остони интихоботи Думаи давлатии Русия таҳлиларону коршиносони ин кишвар дар мавриди натоиҷи он назарҳо ва пешгуиҳои гуногунро иброз кардаанд. Бархе аз онҳо бар ин назаранд, ки интихоботи Думаи Русия шаффоф нахоҳад буд ва дар он ҳизби ҳокими «Русияи ягона» аксарияти овозҳоро соҳиб хоҳад шуд.
XS
SM
MD
LG