Пайвандҳои дастрасӣ

Ҷон Керрӣ вориди шаҳри Кобул шуд


Ҷон Керрӣ, вазири умури хориҷии Амрико, барои фурӯ нишондани баҳсу таниш миёни ду рақиби номзад ба мақоми раиси ҷумҳури Афғонистон вориди Кобул шуд. Қарор аст, ӯ шоми 7-уми август бо Абдулло Абдулло ва Ашраф Ғанӣ гуфтугӯ кунад. Баҳси ин ҳарду дар робита ба натиҷаҳои интихоботи раёсати ҷумҳурӣ дар рӯзи 14-уми июн ҳамчунон идома дорад. Доктор Абдулло мегӯяд, ҳангоми шумориши раъйи мардум мақомот ба нафъи Ашраф Ғанӣ тақаллуб кардаанд. Айни замон 8 миллион орои мардум зери назари Созмони Милал бозшуморӣ мешавад. Ҷон Керрӣ ҳамчунин бо Ҳомиди Карзай, раиси ҷумҳури Афғонистон мулоқот мекунад ва баъди ин барои ширкат дар як нишасти амниятӣ рӯзи 8-уми август ба Мянмар меравад. Дафтари раёсати ҷумҳурии Афғонистон рӯзи 7-уми август бо нашри баёнияе гуфт, ки натиҷаҳои интихобот бояд ҳамин моҳ эълон шавад.

XS
SM
MD
LG