Генерал Кен Тово, фармондеҳи амалиётҳои махсуси фармондеҳии марказии нерӯҳои мусаллаҳи Амрико бо мақомоти расмии Тоҷикистон масоили ҳамкориҳои дуҷониба ва масоили минтақавиро баррасӣ кардааст. Сафорати Амрико дар Душанбе бо нашри баёнияе гуфт, Кен Тово рӯзи чаҳоршанбе зимни боздидаш бо мақомоти баландпояи вазорати дифоъи Тоҷикистон гуфтааст, ки фармондеҳии амалиётҳои махсуси Амрико омода аст, дар таъмини сулҳу субот ва амният дар Тоҷикистон мусоидат кунад.