Шиддат дар равобити байни Эрон ва ҳамсоягони арабаш дар ҳоле рӯ ба афзоиш дорад, дар Эрон қарор аст, зидди иттиҳоди пешниҳодии Баҳрайн ва Арабистони Саудӣ тазоҳуроти густарда баргузор шавад. Вазири умури хориҷии Баҳрайн Шайх Холид бин Аҳмад ал-Халифа рӯзи панҷшанбе Эронро айбдор кард, ки ташаннуҷ бо ҳамсоягони арабашро дома мезанад ва ба Теҳрон ҳушдор дод, ки аз “пайомади ин мудохилаҳо” осеб хоҳад дид.