Пайвандҳои дастрасӣ

Нашри вижаи ҳафтаномаҳо дар остонаи Рӯзи матбуот


Маҷмааи "Шарқи озод", қароргоҳи аксари нашриятҳои чопи Душанбе аст.

Маҷмааи "Шарқи озод", қароргоҳи аксари нашриятҳои чопи Душанбе аст.

Ду ҳафтаномаи Тоҷикистон шумораҳои навбатии худро ба теъдоди бесобиқа дар таърихи матбуоти кишвар нашр хоҳанд кард.

Ҳафтаномаҳои «Нигоҳ» ва "Озодагон тасмим гирифтаанд, ки шумораи навбатии худро дар ҳаҷми 100 ва 40 саҳифа ба табъ расонанд.

Сардабирони нашрияҳо мегӯянд, ин тасмими ғайриоддӣ ба муносибати 100 -солагии матбуоти тоҷик гирифта мешавад, ки рӯзи якшанбе дар Тоҷикистон таҷлил хоҳад шуд.

Саймуддин Дӯстов, сарвари Шӯрои муҳаррирони ҳафтаномаи «Нигоҳ» мегӯяд, шумораи вижа як тарҳи нашрия аст, ки як моҳ ба ин сӯ омода мешавад: «Худи он тарҳе, ки мо омода кардем, тақрибан аз 9 матлаби таҳқиқотӣ дар бораи рӯзноманигории Тоҷикистон, ки то Саймуддин Дӯстов, сарвари Шӯрои муҳаррирони ҳафтаномаи «Нигоҳ»

Саймуддин Дӯстов, сарвари Шӯрои муҳаррирони ҳафтаномаи «Нигоҳ»

имрӯз нашр нашуда буданд ва ҳамчунин мақолаҳои чеҳраҳои таъсиргузори матбуоти миллӣ иборат аст. Ин мӯҳтаво моро маҷбур кард, ки нашрияро дар ҳаҷми сад саҳифа ба чоп диҳем.»

Зафар Сӯфии Фарғонӣ, сардабири «Озодагон» мегӯяд, шумораи вижа як гуна ифтихор ва арҷгузории он аст, ки якасрагии матбуоти тоҷик маҳз ба насли имрӯзи рӯзноманигорони тоҷик тақдир кардааст: «Талош кардем то қадри имкон бархе матолиберо, ки то имрӯз нашр нашудаанд, нашр кунем. Ҳамчунин шумораи аввали «Бухорои «Шариф» - аввалин нашрияи тоҷикиро бо хатти сириллик ва ҳам матолиби беҳтарини ҳафтаномаҳоеро, ки ҳамчун меросбари ин нашрия дар Тоҷикистон чоп шуданд, пешкаши хонандагон кунем.»

Дар ҳамин ҳол, нашри ҳафтаномаҳо бо ҳаҷми бузург ҳазинаи зиёд мехоҳад. Ба қавли як корманди матбаа, хароҷоти он беш аз 10 ҳазор сомониро ташкил хоҳад дод.

Зафари Сӯфӣ, сардабири«Озодагон»

Зафари Сӯфӣ, сардабири«Озодагон»

Дар ҳоли ҳозир дар Тоҷикистон танҳо нашрияи «Азия-плюс» дар ҳаҷми 48 саҳифа ҳар ҳафта ба нашр мерасад, ки хароҷоташро умдатан аз ҳисоби рекламаву эълонҳо мепӯшонад.

Аммо сардабирони «Нигоҳ» ва «Озодагон» мегӯянд, хароҷоти шумораи вижаи онҳо аз ҳисоби худи нашрияҳо пӯшонида мешавад. Ҳамчунин Саймуддин Дӯстов мегӯяд, рӯзи 11-уми март барои бозоргир кардани ин шумораи нашрияи «Нигоҳ», як бозии бурднокро ҳам барои муштариён роҳандозӣ хоҳад кард.

Нашри ду ҳафтаномаи Тоҷикистон дар ҳаҷми бузург ҳам дар ҳолест, ки имрӯзҳо кормандони Кумитаи андоз дар идораҳои нашрияҳо ва чопхонаҳои мустақили кишвар тафтиши навбатиро сар кардаанд.

Намоиши шарҳҳо

XS
SM
MD
LG