Пайвандҳои дастрасӣ

Президенти Молдова ба истеъфо рафт


Владимир Воронин, президенти собиқи Молдова

Владимир Воронин, президенти собиқи Молдова

Имрӯз, 11-уми сентябр, президент Владимир Воронин - раҳбари коммунисти Молдова истеъфои худро эълон кард.

Воронин, ки аз соли 2001 дар сари қудрат буд, дар эъломияе гуфтааст, ки вай аз мақомаш меравад ва раёсатро бо "қалби реш" ба мухолифони ғарбгарояш мегузорад.

Қаблан дар нишасти Ҳизби коммунист ӯ гуфта буд, ки аз ин баъд чун вакили оддии парлумон фаъолият хоҳад кард.

Ҳизби коммунисти Молдова, ки сарварии он бар дӯши Владимир Воронин аст, дар интихоботи ахири парлумонӣ ба дарёфти аксари курсиҳо муваффақ нашуд ва аҳзоби ғарбгарои кишвар, ки дар маҷмӯъ беш аз 50 дар сади мандатҳоро соҳиб шудаанд, ҳукумати навро таъсис хоҳанд кард.

Тибқи Қонуни асосии Молдова, то интихоботи нави раёсатҷумҳур сарварии кишвар бар дӯши раиси парлумон Михай Гимпу вогузор хоҳад шуд.

Намоиши шарҳҳо

XS
SM
MD
LG