ИМА ва Ҷопон ва ё Япония ба ташкили як нишасти изтирорӣ дар Шӯрои Амнияти СММ барои баррасии масъалаи партоби мушаки дурпарвози Кореяи Шимолӣ даъват карданд. Ин нишаст қарор аст имрӯз, панҷуми апрел, дар бинои СММ дар Ню-Йорк баргузор шавад.
Мушак дар соатҳои тақрибан 7:30 субҳи имрӯз ба вақти Душанбе аз самти шимолу шарқи Кореяи Шимолӣ ба мадор партоб шуд. ИМА ва дигар қудратҳои ҷаҳонӣ моҳҳои охир аз Пхенян зиёд тақозо мекарданд, ки аз ин нияти худ даст кашад ва ҳоло партоби мушак аз ҷониби онҳо ҳамчун як таҳдид арзёбӣ мешавад.
Ҷопон гуфт, ки мушак аз болои қаламрави ин кишвар гузашта дар уқёнуси Ором поин шудааст. Мақомоти ин кишвар барои гирифтани пеши роҳи ҳаракати мушак талоше накардаанд. Дар изҳороте раиси ҷумҳурии Амрико Барак Обама ин амалро таҳрикомез унвон карда шадидан маҳкум кард. Вай гуфт, ки режими Кореяи Шимолӣ қатъномаи Шӯрои амнияти СММ-ро нақз кардааст, ки ба ин кишвар анҷоми фаъолиятҳои баллистикиро манъ кардааст.
Обама гуфт, ки бо ин кори худ Кореяи Шимолӣ худро боз ҳам бештар дар инзивоъ қарор медиҳад. Хабаргузории расмии Кореяи Ҷанубӣ (Yonhap) дар нақли қавл аз мақоми давлатие мегӯяд, чунин ба назар мерасад, ки мушаки партобшуда ҳамроҳ бо худ маҳворае низ доштааст, аммо ҳанӯз мушаххас нест, ки оё он бомуваффақият вориди кайҳон шуд ё на. Кореяи Шимолӣ муддатҳо пеш гуфта буд, ки ният дорад маҳвораеро ба мадор партоб кунад, аммо ИМА, Ҷопон ва муттафиқони дигари онҳо гуфтаанд, ки ин кишвар мехоҳад иқтидори мушаки нави кулоҳакдорро бисанҷад.
Мушак дар соатҳои тақрибан 7:30 субҳи имрӯз ба вақти Душанбе аз самти шимолу шарқи Кореяи Шимолӣ ба мадор партоб шуд. ИМА ва дигар қудратҳои ҷаҳонӣ моҳҳои охир аз Пхенян зиёд тақозо мекарданд, ки аз ин нияти худ даст кашад ва ҳоло партоби мушак аз ҷониби онҳо ҳамчун як таҳдид арзёбӣ мешавад.
Ҷопон гуфт, ки мушак аз болои қаламрави ин кишвар гузашта дар уқёнуси Ором поин шудааст. Мақомоти ин кишвар барои гирифтани пеши роҳи ҳаракати мушак талоше накардаанд. Дар изҳороте раиси ҷумҳурии Амрико Барак Обама ин амалро таҳрикомез унвон карда шадидан маҳкум кард. Вай гуфт, ки режими Кореяи Шимолӣ қатъномаи Шӯрои амнияти СММ-ро нақз кардааст, ки ба ин кишвар анҷоми фаъолиятҳои баллистикиро манъ кардааст.
Обама гуфт, ки бо ин кори худ Кореяи Шимолӣ худро боз ҳам бештар дар инзивоъ қарор медиҳад. Хабаргузории расмии Кореяи Ҷанубӣ (Yonhap) дар нақли қавл аз мақоми давлатие мегӯяд, чунин ба назар мерасад, ки мушаки партобшуда ҳамроҳ бо худ маҳворае низ доштааст, аммо ҳанӯз мушаххас нест, ки оё он бомуваффақият вориди кайҳон шуд ё на. Кореяи Шимолӣ муддатҳо пеш гуфта буд, ки ният дорад маҳвораеро ба мадор партоб кунад, аммо ИМА, Ҷопон ва муттафиқони дигари онҳо гуфтаанд, ки ин кишвар мехоҳад иқтидори мушаки нави кулоҳакдорро бисанҷад.