Пайвандҳои дастрасӣ

logo-print

Ба ақидаи уламои исломӣ, дар шароити бӯҳрони саросарии молӣ ва муфлисшавии бонкҳо таваҷҷӯҳ ба низоми бонкдории исломӣ таҳким меёбад.

Феълан, низоми мазкур 300 миллиард долларро дар ихтиёр дошта, солона тахминан 15% тавсеа меёбад. Дар низоми бонкдории исломӣ ситонидани молиёту пардохти мафоди бонкӣ манъ буда, ҷои онро моликияти муштарак ва тақсими мафод ишғол намудааст.

Низоми молии исломӣ аз низоми сармоядорӣ бо нишонаи асосӣ фарқ мекунад. Аввалан, низоми исломӣ риборо манъ кардааст, яъне қарз бояд бефоиз бошад. Сониян, бонкҳо ба муштарӣ ҳамроҳ шуда, хавфу хатар ва фоидаро бо ҳам тақсим мекунанд. Масалан, агар дар низоми сармоядорӣ муштарии манзили зист гаравномаро имзо намуда, масъулияти хона пурра бар дӯши ӯ бошад, дар низоми исломӣ манзил моли бонк мешаваду муштарӣ то замони супурдани қарз онро ба ҳисоб "иҷора" мегирад.

Феълан, аносири низомии бонкдории исломӣ дар 75 кишвари олам мушоҳида шудааст.

Дар ҳамин ҳол, Сулаймон ал-Авда - рӯҳонии маъруфи Арабистони Саудӣ мегӯяд, ки барои ташхиси чорчӯби ба истилоҳ низоми алтернативии иқтисодӣ, ки бар пояи Ислом бунёд шудааст, баргузории мулоқоти байнулмилалии пешвоёну уламои исломӣ зарур аст.

Олими мисрӣ Фаҳмӣ Ҳувайдӣ низ ба ин ақида мувофиқ аст. Ӯ мегӯяд, низоми бонкдории исломӣ ва ба хусус истифодаи усули "иҷора", "мушорикат" ва "муробаҳа" ҳалли баъзе мушкилиҳоро таъмин хоҳад кард, вале "асои сеҳрангез"-и рафъи бӯҳрони саросарии молӣ буда наметавонад.

Машваратдодашуда

Намоиши шарҳҳо

XS
SM
MD
LG