Мирзои Салимпур
Ҳукумати Чин барои рушди соҳоти иҷтимоиву иқтисодии Тоҷикистон як кумаки билоиваз ба маблағи 25 милён юан, муодили каме бештар аз 3 милён долларро дар ихтиёри Душанбе мегузорад. Созишномаро дар ин бора вазири тиҷорати Тоҷикистон Ҳаким Солиев бо сафири Чин дар Душанбе У Хунбин имзо намуд.
Мушовири сафоратхонаи Чин дар Тоҷикистон дар умури иқтисод ва тиҷорат Тсин Юйлун ба ИТАР-ТАСС гуфтааст, ки давлати Чин ҳамасола чунин кумакҳоро ба Тоҷикистон ироа мекунад. Мавридҳои сарфи ин маблағҳоро Чину Тоҷикистон, ба гуфтаи мушовири сафорат, муштаракан таъйин мекунанд.