Бахши Тоҷикии Радиои ОзодӣАндеша, пешниҳод, шикоят, таҳсин ва назарҳои шумо рӯйи амвоҷи Барномаи Тоҷикии Радиои Озодӣ. Дар барномаҳои мо эълон хоҳад шуд, ки сешанбеи навбатӣ Микрофони Озоди Радиои Озодӣ дар кадом ҳиссаи шаҳри Душанбе барои сабти андеша ва назари шумо гузошта хоҳад шуд. Гуфтаниҳои шумо умдатан бидуни таҳрир дар барномаи рӯзи чаҳоршанбе нашр хоҳанд шуд.
Аз сеюми апрел дар шаҳри Душанбе Микрофони озоди мо ба кор сар кард, ки дар рӯзҳои муайян дар гӯшаҳои гуногуни пойтахт гузошта мешавад. Ҳар хоҳишманд метавонад, бо истифода аз ин микрофон аз мушкилоти зиндагии хеш ва ҷомеъаи тоҷик сӯҳбат кунад, назар ва пешниҳодҳои худро ба миён гузорад. Ин гуфтаҳо, агар зидди қонуни матбуот набошанд, ҳатман нашр карда мешаванд.