Имрӯз, 10-уми декабр, Ҷоизаи Сулҳи Нобел дар соли 2012 расман ба раҳбарони Иттиҳодияи Аврупо тақдим шуд. Тйорбйорн Ягланд, раиси Кумитаи Нобел ҷоизаи 1 миллиону 200 ҳазор доллариро ба Ҳерман Ван Ромпуи, раиси Шӯрои Аврупо, Хосе Мануэл Бароссо, раиси Комиссияи Аврупо ва Мартин Шултз, раиси парлумони Аврупо супурд.
Дар тазоҳуроти Рӯзи Ҳуқуқи Инсон, 10-уми декабр дар Боку шиорҳои "Парламент пароканда шавад!", "Истеъфо!", "Озодӣ!" садо доданд. Полис тазоҳуркунандагонро пароканда кард.
Рӯзи 8-уми декабр дар шаҳри Душанбе бо ибтикори Бунёди «Муколамаи тамаддунҳо», як маҳфили фарҳангие, таҳти унвони «Миллат аз нигоҳи Гулрухсор» бо ширкати шоираи халқии Тоҷикистон Гулрухсор Сафиева доир гардид.
Хабарнигори Радиои Озодӣ дар ҳошияи маҳфили "Миллат аз нигоҳи Гулрухсор" бо Шоираи халқии Тоҷикистон Гулрухсори Сафӣ суҳбате анҷом дод.
Дар шаҳри Душанбе бо ибтикори Бунёди «Муколамаи тамаддунҳо», як маҳфили фарҳангие, таҳти унвони «Миллат аз нигоҳи Гулрухсор» бо ширкати шоири халқии Тоҷикистон Гулрухсор Сафиева доир гардид. Дар ҳошияи ин маҳфил Абдуқаюми Қаюмзод, хабарнигори Радиои Озодӣ бо шоира Гулрухсор суҳбате анҷом дод.
Сокинони деҳоти атрофи осоишгоҳи "Хоҷа Обигарм" дар 50 километрии шимоли пойтахти Тоҷикистон, ба нишони эътироз ба қатъ шудани оби гарм, дар назди бинои ин осоишгоҳ, таҷаммӯъ карданд.
Пас аз пахши як силсила филмҳои мустанад аз тариқи шабакаҳои русӣ, шумораи афроде, ки охири дунёро интизоранд дар Тоҷикистон зиёд шуд. Дар ин филмҳо гуфта мешавад, ки 21-уми декабр охирин рӯзи дунё аст ва ин пешгӯӣ гӯё аз тарафи донишмандон тадсиқи илмӣ пайдо кардааст.
Дар доираи барномаи "16 рӯзи алайҳи хушунати занон", дар Душанбе дави мардон бо кафшҳои пошнабаланди занона баргузор гардид. Ин барнома бо пуштибонии UNIFEM, созмони дифоъ аз ҳуқуқи занони Тоҷикистон ва Радиои "Ватан" рӯи даст гирифта шуда, шарти аслӣ давидани мардҳо бо кафши занона аст. Ин ба маъноест, ки мардҳо худро ба истилоҳ “дар пӯсти” занҳо эҳсос кунанд ва мушкилоти онҳоро дарк намоянд.
Теъдоди расмии занони гирифтори СПИД дар Тоҷикистон аз ҳадди 1100 нафар гузаштааст. Бисёри бонувони мубталои СПИД дар кишвар мегӯянд, ба ин беморӣ онҳоро шавҳаронашон гирифтор кардаанд.
Шаҳри Теҳрон, пойтахти Эрон таи чанд рӯз дар муҳосираи дуду чанг мондааст ва масъулин маҷбур шудаанд, дари мактабу донишгоҳ ва идораҳои давлатиро банданд. Воҳид Дастҷердӣ, вазири беҳдошти Эрон аз сокинони Теҳрон даъват кардааст, ки шаҳрро тарк кунанд, чун миқдори моддаҳои заҳрдор дар ҳавои пойтахти Эрон ба ҳадди хатарнок расидааст.
Тарафдорон ва мухолифони Муҳаммад Мурсӣ, раиси ҷумҳури Миср рӯзи чаҳоршанбе дар шаҳри Қоҳира ва дар назди Кохи раиси ҷумҳурӣ задухӯрд намуданд. Ба гуфтаи вазорати беҳдошти Миср, дар ин муноқишаҳо 350 тани дигар ҳам маҷрӯҳ шудаанд.
Дар шаҳри Душанбе ҳоло ҳафт мағозаи молу ашё ва рамзҳои замони Шӯравӣ фаъолият доранд ва ба гуфтаи фурӯшандагон таваҷҷуҳ ба осори он замон дар Тоҷикистон рӯзафзун аст.
Ёфтҳои бештар
