Раиси ҷумҳури Тоҷикистон Эмомалӣ Раҳмон рӯзи 4-уми феврал тайи фармоне Юсуф Раҳмонро дабири Шӯрои амнияти Тоҷикистон, таъйин кард. Юсуф Раҳмон рӯзи 23-юми январи имсол, аз мақомаш барканор шуда буд.
Ба ҷойи ӯ Ҳабибулло Воҳидзодаи 60-сола таъйин шуд, ки то ин дам дар мақоми муовини додситони кул (ҳамзамон додситони ҳарбӣ) кор мекард.
Маҷлиси Миллии Тоҷикистон рӯзи 3-юми феврал қарори барканории Юсуф Раҳмонро аз мақоми Додситони кулл ва таъйини Ҳабибулло Воҳидзодаро тасдиқ кард.
Юсуф Раҳмон аз соли 2015 Додситони кул ё Прокурори генералии Тоҷикистон буд. Тибқи қонун даҳ сол (ду давраи панҷсолӣ) ҳаққи кор дар ин вазифаро дошт.
Боздоштҳои дастҷамъӣ, ҳукмҳои дарозмуддат, зиндонӣ шудани даҳҳо фаъолу хабарнигорро ҳосили даҳсолаи кори Юсуф Раҳмон дар Додситонии кул медонанд.