Бо сохтмони як канали дукилометра сокинони деҳаи Шаҳраки ноҳияи Муъминободи вилояти Хатлон ба оби тоза дастрасӣ пайдо карданд. Бино ба иттилоъи расида аз ин минтақа, канали об бо кумаки созмони байнулмилалии швейтсарии «Caritas» сохта шудааст. Барои он 102 ҳазор доллар масраф шудааст, ки 90 ҳазори онро созмони «Caritas» ва боқимондаро сокинони деҳа пардохт намудаанд.
