Раиси низомии вилояти Херсони Украина рӯзи 24-уми май дар Телеграм навишт, ки шаби гузашта аз оташи нерӯҳои Русия ду нафари мулкӣ кушта шуда, се каси дигар ҷароҳат бардошт.
Ба қавли Александр Прокудин, ноҳияи Беряслави Херсон ҳадафи оташи тӯпхона, танкҳо ва ҳавопаймоҳои бесарнишини Русия қарор гирифт.
Ситоди нерӯҳои мусаллаҳи Украина ҳамчунон хабар дод, ки бархӯрдҳои вазнин дар ҷабҳаи Бахмут-Авдеевка-Мариинка ҷараён дорад.
Фармондеҳони украинӣ гузориш медиҳанд, ки ҳамлаҳои Русия асосан ба самти минтақаи Лиман, воқеъ дар шимоли шаҳри шарқии Бахмут ва шаҳри Крупянски вилояти Харков раҳандозӣ шудааст.
Гуфтугӯ