Пайвандҳои дастрасӣ

Хабари нав

Вазири дифои Эстония гуфтааст, ҷанг артиши Русияро суст накардааст


Ҳанно Певкур, вазири дифои Эстония гуфтааст, ҳеч далеле нест, ки таҳдиди Русия ба наҳве коҳиш ёфтааст.
Ҳанно Певкур, вазири дифои Эстония гуфтааст, ҳеч далеле нест, ки таҳдиди Русия ба наҳве коҳиш ёфтааст.

Ҳанно Певкур, вазири дифои Эстония гуфтааст, бовар надорад, ки артиши Русия баъди 9 моҳи ҷанг бо Украина фавқуллода заиф шуда бошад.

Ӯ ҳангоми сафараш ба Берлин дар рӯзи 27-уми ноябр ба Хабаргузории Олмон гуфтааст: “Мо бояд самимӣ ва возеҳ бигӯем. Неруҳои баҳрӣ ва ҳавоии Русия ҳамонгуна ки буданд, мисли замони пеш аз ҷанг бузург ҳастанд.”

Ӯ афзудааст: “Бо вуҷуди онки неруҳои заминии Русия қудрати чашмгиреро аз даст додаанд, вале “дер ё зуд” ҳамон қудратеро ба даст меоранд, ки қабл аз 24-уми феврал доштанд. Ҳанно Певкур, вазири дифои Эстония ҳамчунин дар идомаи суҳбаташ гуфтааст: “Ҳеч далеле нест, ки таҳдиди Русия ба наҳве коҳиш ёфтааст ва ё таҳдид ба НАТО коҳиш ёфтааст.

Эстония, ки узви ин паймони низомӣ аст, ба қавли вазири дифоаш то кунун ба ҳадде ба артиши Украина кумак расондааст, ки 1 дар сад маҷмуи маҳсулоти дохилии он кишварро ташкил медиҳад.

XS
SM
MD
LG