Пайвандҳои дастрасӣ

Хабари нав

Аз манзили мансабдори узбек 1 млн доллар мусодира карданд


Чандин манбаъ дар мақомоти ҳифзи ҳуқуқи Узбекистон ва шаҳрдории Тошканд тасдиқ карданд, ки муовини раиси ноҳияи Юнусобод дар умури меъморӣ, сохтмон ва рушди коммуникатсионӣ Э.З. бо гумони фасодкорӣ боздошт шудааст.

Ба гуфтаи манобеъ, Э.З., ки 13 октябр дар утоқи корияш боздошт шуда буд, дар ҳоли ҳозир дар боздоштгоҳи муваққатии Хадамоти амнияти давлатии Узбекистон нигаҳдорӣ мешавад. Ба ҷои Э.З. аллакай Шералӣ Усмонов муовини раиси ноҳияи Юнусободи пойтахти Узбекистон таъйин шудааст.

Як манбаъ дар шаҳрдории Тошканд гуфт, Э.З.-ро ҳангоми гирифтани 5 ҳазор доллар пора дастгир карданд. Ҳамчунин аз манзили зисти ӯ 1 миллион доллар нақдина ва ду билети ҳаопаймо мусодира шудааст, ки яке аз онҳо ба номи худи Э. З. ва дувумӣ ба номи зани ношинос қайд шудаанд. Вале ин хабар то ҳол расман тасдиқ нагаштааст.

Вазорати умури дохилӣ ва Додситонии кулли Узбекистон ҳам боздошти Э.З.-ро шарҳ намедиҳанд. Э.З. ибтидои соли равон муовини раиси ноҳияи Юнусободи Тошканд таъйин шуда буд.

XS
SM
MD
LG