Пайвандҳои дастрасӣ

Хабари нав

Ҳалокати писари раҳбари Толибон дар ҳамлаи бесарнишини ИМА


Мулло Фазлуллоҳ
Мулло Фазлуллоҳ

Абдуллоҳ - писари раҳбари Толибони Покистон Мулло Фазлуллоҳ ва 19 нафари дигар дар пайи ҳамлаи эҳтимолии бесарнишини ИМА дар Афғонистон кушта шуд. Дар ин бора мақомот хабар доданд.

Як ходими истихбороти Покистон ба шарти ошкор нашудани номаш гуфт, Абдуллоҳ рӯзи 6-уми март дар минтақаи Чаугами, қисмати шарқии вилояти Кунор дар ҳоле ба ҳалокат расид, ки ҳавопаймои бесарнишин тамрингоҳи ҳамлагарони интиҳориро ҳадафи ду мушак қарор дод.

Ба навиштаи матбуоти Покистон, дар ин ҳодиса ду фармондеҳи дигари минтақавии Толибони Покистон - Гул Муҳаммад ва Устод Ёсин, ки ҳамлагарони интиҳориро тамрин медоданд, кушта шуданд.

Мақомоти Афғонистон қаблан гуфтанд, ки дар ҷараёни ҳамла ба мадрасаи исломӣ 27 ҷангҷӯ ба ҳалокат расид.

Писари мулло Фазлуллоҳ чаҳорумин чеҳраи аршади Толибон аст, ки моҳи март аз зарбаи бесарнишинҳо маҳв шуданд.

Ноиби раҳбари Толибони Покистон Саид Меҳсуд ва ду фармондеҳи дигари Толибон моҳи гузашта ҳадафи ҳамлаи "дрон" қарор гирифт.

XS
SM
MD
LG