Пайвандҳои дастрасӣ

Хабари нав

Задухӯрди ҷонибдорони Саакашвилӣ бо пулис дар Киев


Ҷонибдорони президенти пешини Гурҷистон ва собиқ раҳбари вилояти Одесса Михаил Саакашвилӣ 17-уми декабр талош карданд, дар шаҳри Киев ба қасри Октябр ворид шаванд. Ин талош баъди роҳпаймоии навбатӣ бо талаби эъломи нобоварӣ ба президенти Украина Петр Порошенко сурат гирифт.

Эътирозгарон мехостанд, дар бинои қасри Октябр ситоди худро таъсис диҳанд. Дар натиҷа миёни онҳо ва кормандони пулис задухӯрд ба миён омада, чанд нафар захмӣ шуданд. Баъди ҳамлаи ноком як қисми тазоҳургарон ба назди бинои порлумони Украина баргаштанд ва Саакашвилӣ ҳодисаи қасри Октябрро "ҳангома" номид.

Ин бори севум аст, ки моҳи декабри соли равон дар маркази Киев ҷонибдорони Саакашвилӣ "Роҳпаймоии нобоварӣ" баргузор мекунанд. Вале дар роҳпаймоии ахир нисбат ба эътирозҳои пешин шумори камтари ҷонибдорони раҳбари пешини вилояти Оддеса иштирок доштанд.

Саакашвилӣ гуфт, дар гуфтугӯ бо мақомоти Украина масъалаи сулҳ матраҳ нахоҳад шуд. Ҷонибдорони президенти пешини Гурҷистон истеъфои Додситони кулли Украина Юрий Лутсенко, таъсиси додгоҳи зиддикоррупсионӣ ва эъломи нобоварӣ ба президент Порошенкоро талаб доранд.

Видеоҳои охирин

Тоҷикистон ба маҳсулоти гӯштӣ андози иловагӣ ҷорӣ мекунад
лутфан мунтазир бошед

No media source currently available

0:00 0:02:03 0:00

Озодӣ дар iOS ва Google Play

XS
SM
MD
LG