Пайвандҳои дастрасӣ

Рамазон Қодиров дар Тошканд меҳмони Шавкат Мирзиёев шуд


Рамазон Қодиров, раҳбари Чеченистон тайи як сафари корӣ ба Узбакистон бо Шавкат Мирзиёев, раҳбари ин кишвар мулоқот кардааст.

Рӯзи 16-уми октябр Дафтари матбуотии президенти Узбакистон хабар дод, ки дар ин дидор Қодиров ва Мирзиёев рушди ҳамкориҳои дуҷонибаро баҳс кардаанд.

Ба иттилои Дафтари матбуотӣ, дар ин дидор ҷонибҳо ба масоили тиҷорати дуҷониба, татбиқи барномаҳои иқтисодӣ ва фарҳангӣ бештар таваҷҷӯҳ карданд.

Зиёрати қабри Муҳаммадсодиқ Муҳамадюсуф
Зиёрати қабри Муҳаммадсодиқ Муҳамадюсуф

Ба роҳ мондани ҳамкорӣ бо манотиқи гуногуни Русия бо Узбакистон дар ҷараёни сафари Мирзиёев дар моҳи апрел миёни мақомоти баландпояи ду кишвар матраҳ шуда буд.

Раҳбари Чеченистон аз Шавкат Мирзиеёв барои даъваташ ба Узбакистон, кишваре, ки он ҷо падараш таҳсил кардааст, изҳори ташаккур кард.

Рамазон Қодиров дар ин сафараш аз оромгоҳи Муҳаммад Содиқ Муҳаммад Юсуф, рӯҳонии маъруф, ки падари ӯ - Аҳмад Қодировро таълим додааст, зиёрат кард. Аҳмад Қодиров замони Шӯравӣ дар Узбакистон таҳсили расмии динӣ гирифтааст. Ҳангоми зиёрат аз оромгоҳи ин шахс ӯро Ойбек Туруснов, домоди Мирзиёев ҳамроҳӣ мекард.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG