Пайвандҳои дастрасӣ

СММ амалиёти зидди мусулмонони Мянмарро поккории қавмӣ номид


Зайд Раъд ал-Ҳусейн

Комиссари олии СММ дар умури ҳуқуқи инсон Зайд Раъд ал-Ҳусейн амалиёти хушунатборро дар аёлати Ракхайни Мянма зидди мусулмонони қабилаи роҳинҷа маҳкум кард. Ӯ ин амалиётро "номутаносиб" ва натиҷаи ҳамлаи шӯришгарон дар моҳи гузашта номид.

Ба гуфтаи комиссари олии СММ дар умури ҳуқуқи инсон, вазъ дар аёлати Ракхайни Мянма ба намунаи поккории қавмӣ монанд аст.

Зайд Раъд ал-Ҳусейн, ки дар Шӯрои СММ оид ба ҳуқуқи инсон дар Женева баромад мекард, гуфт, беш аз 270 ҳазор сокини мусулмони Роҳинҷа баъди эъдомҳои ғайриқонунӣ ва оташ задани деҳаҳояшон маҷбур шуданд, ба Бангладеш фирор кунанд.

Ӯ аз ҳукумати Мянма даъват кард, ки амалиёти низомии худро қатъ карда, ҷинояткоронро ба ҷавобгарӣ бикашад ва аз табъизи ҷиддӣ ва сартосарӣ зидди қабилаи роҳинҷа пешгирӣ кунад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG