Тереза Мей, нахуствазири Бритониё ҳамла дар наздикии масҷиде дар шаҳри Лондонро нафратангез номид ва гуфт, ки ҳадафи он нобуд кардани озодии ибодат аст.
Пештар аз ин дар рӯзи 19-уми июн як марде мошини боркаши хурдро ба рӯи мусофирон дар назди як ибодатгоҳ дар Лондон ронд ва 1 нафарро кушту 10 тани дигарро маҷрӯҳ кард. Мақомот як марди 48-соларо дастгир карданд ва шоҳидон мегӯянд, ӯ барқасдона мошинро ба самти раҳгузарон равон кард. Ҳодиса шаби 19-уми июн ба вуқӯъ пайваст. Содиқхон, раиси шаҳри Лондон ин ҳодисаро маҳкум кард.
Вай гуфт: “Ҳамла дар пули Вестминстер, ҳамла дар пули Лондон, ҳамла дар Манчестер ва ҳамлаи шаби гузашта – ҳамаи инҳо ҳамла ба арзишҳои муштараки мо, озодӢ, таҳаммулпазирӣ, ва эҳтиром аст. Терроризм, терроризм аст. Сарфи назар аз он ки як нафар онро бо ривоятҳои исломӣ анҷом медиҳад ва ё аз ангезаҳои дигар ба истилоҳ илҳом гирифтааст. "
Мақомот мегӯянд, ҳамаи осебдидагон мусулмон ҳастанд. Онҳо мегӯянд, таҳқиқ доранд, ки марде ки дар саҳнаи ҳодиса ҷон дод, дар натиҷаи ҳамла кушта шудааст, ё сабаби дигар.