Пайвандҳои дастрасӣ

Бурҳон Сафарӣ- муассиси "Ҷоми Ҷам" даргузашт


Бурҳон Сафарӣ, рӯзноманигор

Бурҳон Сафарӣ, хабарнигори шинохтаи тоҷик шаби 25 май дар сини 55 солагӣ аз дунё даргузашт.

Ӯ оғози солҳои 90-уми асри гузашта дар вилояти Хатлон аввалин телевизион ва нашрияи хусусии “Ҷоми Ҷам”-ро таъсис дода буд.

“Ҷоми Ҷам” пас аз нашри 8 шумора баста шуд ва Бурҳон Сафарӣ зери таъқиб Тоҷикистонро тарк кард. Ӯ замони фирор дар Русия бо нашрияҳои русӣ ҳамкорӣ мекард.

Бахтиёр Сафаров, бародари ӯ 25 май ба Радиои Озодӣ гуфт, бародараш ду моҳи охир аз бемории ҷигар ранҷ мебурд.

-Табобат кардем, вале ҳолаташ беҳ нашуд,-гуфт ӯ.

Баҳриддин Сангимад, яке аз шогирдони Бурҳон Сафарӣ ба Радиои Озодӣ гуфт, “ӯ замони ҷанги шаҳрванди шикаст ва дигар ба худ наомад.”

-Бо нашрияҳо ҳамкорӣ мекард. Охири вақт ба мо дар нашри ҳафтаномаи Донишгоҳи Кӯлоб-“Анвори Дониш” кӯмак мерасонд. Ноумед шуда буд. Мақолаҳои таҳлилӣ-танқидӣ менавишт, вале ҳеҷ куҷо ҷои нашр намеёфт. Чанд соли охир мисли гушанишин буд ва ҳамеша танҳо мегашт,-гуфт ӯ.

Дӯстонаш ӯро як рӯзноманигори озодандеш унвон мекунанд.

Бурҳон Сафарӣ солҳои ахир ҳамчун хабарнигори мутақил барои нашрияҳо матлаб менавишт ва зимнан кори тарҷумонӣ мекард.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG