Пайвандҳои дастрасӣ

Созишномаи 23-миллиардии Узбакистону Чин


Шавкат Мирзиёев ва Сӣ Ҷин Пин - раисони ҷумҳури Узбакистон ва Чин

Шавкат Мирзиёев, раиси ҷумҳури Узбакистон дар доираи сафараш ба Чин дар ҳаҷми 23 миллиард доллари ИМА созишномаҳои дуҷониба имзо кард.

Расонаҳои маҳаллии Узбакистон менависанд, ки ин санадҳо бахшҳои энергетика, коркарди нафт, навсозии истгоҳҳои барқӣ, кишоварзӣ, нақлиёт ва ғайраро дар бар мегиранд.

Мирзиёев 13 май бо сафари давлатӣ ба Чин рафт. Ӯ рӯзҳои 14 ва 15 май дар форуми "Як камарбанд - як роҳ" дар Пекин ширкат кард.

Чин дар ҳоли ҳозир яке аз бузургтарин шарикони тиҷоратии Узбакистон аст. Соли гузашта гардиши молу маҳсулот миёни ин ду кишвар 4,2 миллиард долларро ташкил дод. Президенти Узбакистон изҳори умедворӣ кард, ки дар соли ҷорӣ ин нишондод то 5 миллиард хоҳад расид.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG