Пайвандҳои дастрасӣ

Хабари нав

Қурбониёни селоби Тифлис афзоиш меёбад


Мақомоти Гурҷистон мегӯянд, ки боронҳои шадид ва ҷорӣ шудани селобҳо боиси ҳалокати 8 нафар ва бедарак шудани чанд нафари дигар дар шаҳри Тифлис-пойтахти ин кишвар шудааст.

Шоми 13 июн борони шадид борид ва рӯдхонаи Вере, ки аз байни шаҳр мегузарад, саршор шуд ва ба соҳилҳо баромад ва дар сари маҷрои худ даҳҳо биноҳоро шуст ва мошинҳоро бурд. Хатҳои интиқоли барқро хароб кард

Боғи ҳайвоноти шаҳрро сел зер кард. Бабрҳову шерҳо ва гургон аз он ҷо фирор карданд. Се корманди боғи ҳайвонот ба ҳалокат расиданд. Баъзе ҳайвонотро боздошт карданд, вале маълум нест, ки чӣ қадр ҳайвон бедарак шудааст. Мақомот аз аҳолӣ хостаанд, ки дар хонаҳои худ бимонанд ва агар ҳайвоне пайдо шуд онро бигиранд.

Гиоргӣ Маргвелашвилӣ-раиси ҷумҳур ба хонаводаҳои қурбониёни сел таъзия гуфт ва қавл дод, ки ба зудӣ харобиҳо барқарор хоҳанд шуд. Ираклӣ Леквинадзе-муовини шаҳрдори Тифлис гуфтааст, ки бино ба маълумоти пешакӣ, зарари воридшуда 10 миллион долларро ташкил медиҳад.

XS
SM
MD
LG