Пайвандҳои дастрасӣ

Хабари нав

Ҳукми эъдоми 11 мухлиси футбол дар Миср


Бенизомиҳо дар майдони футбол (акс аз бойгонӣ)
Бенизомиҳо дар майдони футбол (акс аз бойгонӣ)

Додгоҳи ҷиноии шаҳри Порт-Саиди Миср рӯзи 9 июн 11 нафарро барои даст доштан дар бенизомиҳо баъд аз як бозии футбол, ки мунҷар ба ҳалокати даҳҳо нафар шуд, маҳкум ба эъдом кард. Ҳукм баъд аз бознигарии парвандаи 73 нафари ба думболи бенизомиҳо боздоштшуда содир шуд.

Додгоҳ 40 нафари дигарро ба мӯҳлати то 15-солагӣ равонаи зиндон кард ва афроди боқимонда аз толор раҳо карда шуданд.

Ёдовар мешавем, якуми феврали соли 2012 бар асари бенизомиҳо баъд аз бозии футбол миёни дастаи маҳаллии “Масрӣ” ва дастаи “Аҳли”-и Қоҳира дар варзишгоҳи Порт-Саид 74 нафар ба ҳалокат расида, беш аз ҳазор каси дигар ҷароҳат бардоштанд. Бархӯрди оммавӣ баъди он шурӯъ шуд, ки дастаи маҳаллӣ ҳарифашро бо ҳисоби 3 бар 1 шикаст дод.

Мухлисони дастаи “Аҳлӣ” ба футболбозон ва мухлисони дастаи рақиб ҳамла карданд. Бенизомиҳо дар шаҳр рӯзи дигар ҳам идома доштанд ва дар онҳо боз 16 нафар ҷон бохтанд.

XS
SM
MD
LG