Саидхӯҷа Азизов -- устоди Донишгоҳи давлатии Кӯлоб ва муассиси созмони “Эҳёи сулҳи Хатлон” рӯзи 4 июн дар 85-солагӣ аз дунё даргузашт. Маросими дафни Азизов дар манзилаш, воқеъ дар кӯчаи Рӯдакии шаҳри Кӯлоб, баргузор мешавад. Саидхӯҷа Азизов бисту се соли пеш, дар моҳи декабри соли 1992, дар Кӯлоб созмони “Эҳёи сулҳи Хатлон” таъсис дод, ки ҳадафаш барқарории сулҳ дар кишвар буд. Ӯ муддате ба ҳайси иҷрокунандаи вазифаи ректори Донишгоҳи Кӯлоб низ кор кардааст.
