Як корманди идораи маорифи вилояти Суғд бо иттиҳоми ришвахоҳӣ боздошт шудааст. Мақомоти Ожонси зидди фасод мегӯянд, ин мақом ҳангоми гирифтани ришва ба маблағи 2 000 доллар барои мусоидат ба дохил кардани як довталаб ба яке аз донишгоҳҳои Русия ба даст афтодааст. Бино ба оморҳо, танҳо дар нимаи аввали соли ҷорӣ дар шимоли Тоҷикистон аз 23 мавриди ришвахоҳии мақомоти давлатӣ ҷилавгирӣ шудааст.