Имрӯз, 13 август, дабири кулли СММ Бан Ки Мун ба Кореяи ҷанубӣ сафар мекунад. Парлумони Мянмар имрӯз қонуни сармоягузории хориҷиро баррасӣ хоҳад кард. Додгоҳи Ҳейг имрӯз парвандаи раисиҷумҳури собиқи кишвари африқоии Соҳили Оҷ, ё КотдИвуар Лоран Гбагборо муҳокима мекунад. 13 августи соли 1961 сохтмони Девори Берлин оғоз ёфт, ки Олмони шарқиро барои қариб се даҳсола аз Ғарб ҷудо кард. Ва 13 августи соли 1990 раҳбари вақти Шӯравӣ Михаил Горбачёв бо як фармон миллионҳо қурбонии таъқиботи даврони Иосиф Сталинро сафед кард.
13 август - солгарди сохтмони Девори Берлин
