Корпоратсияи байналмиллалии моливу тиҷоратии исломӣ, ки яке аз муассисаҳои молии гурӯҳи Бонки исломӣ мебошад, ба ҳукумати Тоҷикистон 40 миллион доллар барои бензину рӯғани дизелӣ ихтисос хоҳад дод. Раиси ин корпоратсия ба матбуот гуфтааст, ки ин кӯмакҳо дар чаҳорчӯбаи мувофиқатномаҳои мавҷуда бо Иттиҳоди Давлатҳои Муштаракулманофеъ анҷом мегирад ва он бахше аз стратегияи тавсеаи ҳамкориҳои тиҷоратӣ ва сармоягузорӣ дар ин кишварҳо ба шумор меравад.