Дар Миср мунтазири натиҷаҳои муқаддамотии интихоботи расёсати ҷумҳурӣ мебошанд. Бино ба маълумоти ғайрирасмӣ, тахмин зада мешавад, ки Муҳаммад Мурсӣ-номзади “Ихвон ул Муслимин” ва Аҳмад Шафиқ-нахуствазири ахири ҳукумати Ҳуснӣ Муборак дар интихобот мақоми аввал ва дуввумро ба даст оварда бошанд ва ба эҳтимоли зиёд 16-17 июн дар даври баъдии интихобот бо ҳам ба рақобат пардозанд. Мурсӣ ва Шафиқ як ҷо бо Ҳамдин Саббоҳӣ-номзади дигар аз ҳизби чапгарои ал Карама дар бораи риоят нашудани қонунҳои интихобот ба кумиссиюни интихоботӣ шикоят фиристодаанд. Дар ин интихобот 12 номзад барои мақоми раёсати ҷумҳурӣ мубориза мекарданд.
Дар Миср номзадҳо ба кумиссиюн шикоят фиристоданд
