Иёлоти Муттаҳида ва Кореяи Шимолӣ гуфтушунидҳои ҳастаиро аз сар гирифтанд. Ин нахустин музокира пас аз марги раҳбари пешини Кореяи Шимолӣ Ким Ҷонг Ил аст, ки моҳи декабр даргузашт ва ҳукумат ба писари ӯ интиқол ёфт. Гуфтушунид дар Пекин ҷараён дорад ва ҳадаф аз он шурӯи дубораи мулоқоти шаш кишвар аст, ки Чин, Ҷопон, Русия ва Кореяи Ҷанубиро низ дар бар мегирад, аммо соли 2009 бино ба сарпечии Пхенян қатъ гашт.
